هبوط سعر الليرة التركية الآن، وأصبحت الليرة التركية تقترب من الجنية المصرى بل أصبحت تساوى فالسفر إلى تركيا أصبح بأقل الأسعار للمصريين، وهذا يساعد فى خروج الكثير من الأفكار كالتجارة وشراء منتجات تركية وبيعها فى السوق المصرى وتنشيط حركة التجارة.
معاك ٨٠٠٠ جنيه وعايز تطلع رحله ومش عارف ازاي؟ تعالا اقولك ازاي ب ٨٠٠٠ جنيه تطلع رحله وتكون شامله كل حاجه لَك أن تتخيلها زي الطيران وأكل وشرب ومواصلات و تأشيرة وكمان الاقامه ورحله ترفيهيه متستغربش
ما تيجي نشوف ازاي!؟
طبعاً زي ما كلنا عارفين إن الليره دلوقتي ضعيفه اوي مقابل العملات التانيه ولأول مره الليره توصل ل 1 جنيه و 60 قرش
_تيجي نشوف بقي ازاي ب 8000 جنيه هنقدر نطلع الرحله
_ الفيزا:؛
_ اول حاجه الفيزا ودي بتكون من مكتب MZ و بتكون من رينج 125 دولار
_تاني حاجه بقي الطيران ودا بيكلف حوالي 150 دولار للغردقه رايح جاي
_ ثالثا بقي و هنتكلم هنا عن الإقامة ودي هتكلفك 30 دولار لو هوستل في 7 ليالي ولو حابب تاخد حد معاك و تحجزو اوتيل هيكلفك 40 دولار للفرد ودا هيكون بدون فطار ولو حبيت تزود الفطار هتكون التكلفه من 50 ل60 دولار للفرد
_ رابع حاجه ودي هتكون المواصلات هتكون تكلفتها 5 ليره للأتوبيس أو المترو و هتجيب كارت المواصلات ودا بتاخده اول ما تنزل من المطار وبيكون مكتوب عليه qr ودا عشان تربطه ب موقع وزاره الصحه hes اللي تسجل عليه عشان لقاح كورونا
تيجي نحسب بقي المواصلات هناك هتكلفك كام!؟
كل يوم هتصرف حوالي 30 ليره في 7 ايام ب 210 ليره يعني حوالي 20 دولار وزود 10 احتياطي مع 60 ليره باص المطار رايح جاي يبقي كدا كلو من 25 ل 30 دولار
خامسا وهنا هنتكلم عن الأكل زي ما اتفقنا معاك فطار من الفندق نزود 20 ليره لو حبيت تجيب مشروب أو ساندوتش أو وجبه حوالي 40 ل 50 ليره وطبعا لو انت من عُشاق الأكل زود 40 ليره يبقي كدا كل التكلفه للأكل حوالي 80 ليره في 7 ايام ب560 ليره ودا حوالي 60 دولار وألف هنا على قلبك الجميل.
اخر حاجه هنتكلم عنها وهي الرحله الترفيهيه كلنا دايما بنكون محتاجين مكان طبيعي ننسجم فيه والرحله هنا موفره ليك المكان مكان طبيعي فيه خضره وغابات وغدا ع الشلال و التلج ودا لو هتطلع في الشتا والمكان اسمو سابنجا و معشوقيه دا كلو ب 10 دولار في مطعم مشويات شيك
تيجي نحسب بقي كدا كل رحلتنا تاني هتتكلف كام !؟
_125 دولار فيزا
_150 دولار طيران
_50 دولار إقامة فندق
_ 30 دولار مواصلات (انتقالات)
_10 دولار رحلة سابنجا
_ 60 دولار أكل
+ 60 تكلفة التحاليل هنا وهناك ولو انت عامل قبل كدا يبقي مش هتحتاج تعمل تاني
يبقي كدا إجمالياً 485 دولار وطبعا احنا حاسبين كل حاجه بالزيادة كمان
يبقي كدا ما يعادل مصري 7500 وزود معاك احتياطي 500 يبقي كلو ع بعضو كدا 8000 جنيه واستمتع ب رحلتك.
