موعد كسوف الشمس اليوم الثلاثاء | كيفية صلاة كسوف الشمس

ركز معايا في الكلمتين دول عشان مهمين👌
يوم الثلاثاء اليوم ٢٥ أكتوبر إن شاء الله هيكون فيه كسوف الشمس،وهو على فكرة مش ظاهرة طبيعية للاستمتاع و التصوير .. تعرف معنا على موعد كسوف الشمس اليومموعد كسوف الشمس اليوم

الكسوف من آيات التخويف اللي بيخوف الله بها الناس عشان نركز في آيات الكون ونعرف النعم اللي احنا فيها وقدرة ربنا علينا ونتوب إلى الله من معاصينا ..

👈طيب احنا المفروض نعمل ايه وقت الكسوف ؟؟
المفروض نتضرع لربنا ونلجأ ليه زي ما النبي ﷺ علمنا ونصلي صلاة الكسوف

ما هو موعد كسوف الشمس

حسب اللي قاله معهد الفلك ..الكسوف هيبدأ في مصر الساعة 12:00 الظهر و هينتهي الساعة 2:15 ظهرًا و الله أعلم

⛔موعد صلاة كسوف الشمس و بتتصلى ازاي ؟

عددها ركعتين✌
👈الركعة الأولى هنعمل الآتي :
هنقرأ الفاتحة و بعدين قراءة طويلة لأي سورة
و بعدين نركع و بعدين نقوم من الركوع وتقول سمع الله لمن حمده … ركز معايا…مش هتسجد بقى ❌
هتبدأ قراءة الفاتحة مرة تانية و تقرأ سورة مرة تانية
و بعدين نركع و نقوم من الركوع و بعدين نسجد السجدتين .

و بكده نكون خلصنا أول ركعة

إقرأ أيضا:دعاء اليوم الرابع والعشرين من شهر رمضان 2022 .. دعاء ليلة 27 رمضان

هنكرر نفس الخطوات في الركعة التانية .

المفروض نطول في القراءة على أد ما نقدر الأفضل طول وقت الكسوف ،
و القراءة في الركعة الأولى تكون أطول من التانية

إقرأ أيضا:فضل صيام شهر شعبان واجمل الكلمات وعبارات التهنئة به

👈طيب ينفع اقرأ من مصحف في صلاة الكسوف ؟؟
_اه ..ينفع عادي

👈طيب ينفع أصليها لوحدي من غير جماعة ؟؟
_الأصل إنها بتتصلي في جماعه
لكن ..ينفع تصليها لوحدك من غير جماعة

👈 طيب أنا هكون في الشغل أو في الدروس ومش هعرف أصلي ، أعمل ايه ؟؟
_يبقى عليك إنك تلزم الذكر والدعاء والاستغفار لحديث النبيﷺ “فَإِذَا رَأَيْتُمْ شَيْئًا مِنْ ذَلِكَ فَافْزَعُوا إِلَى ذِكْرِهِ وَدُعَائِهِ وَاسْتِغْفَارِهِ”